abhiSikte tu sugriive praviSTe vaanare guhaam |
 aajagaama saha bhraatraa raamaH prasravaNam girim || 4-27-1

 shaarduula mR^iga sa.mghuSTam si.mhaiH bhiima ravaiH vR^itam |
 naanaa gulma lataa guuDham bahu paadapa sa.mkulam || 4-27-2
 R^ikSa vaanara gopucChaiH maarjaaraiH ca niSevitam |
 megha raashi nibham shailam nityam shucikaram shivam || 4-27-3

 tasya shailasya shikhare mahatiim aayataam guhaam |
 pratyagR^ihNiita vaasaartham raamaH saumitriNaa saha || 4-27-4

 kR^itvaa ca samayam raamaH sugriiveNa saha anagha |
 kaala yuk{}tam mahad vaakyam uvaaca raghunandana || 4-27-5
 viniitam bhraataram bhraataa lakshmaNam lakshmi vardhanam |

 iyam giri guhaa ramyaa vishaalaa yuk{}ta maarutaa || 4-27-6 
 asyaam vastyaama saumitre varSa raatram ari.ndama |

 giri shR^i.ngam idam ramyam uttamam paarthivaatmaja || 4-27-7
 shvetaabhiH kR^iSNa taamraabhiH shilaabhiH upashobhitam |
 naanaa dhaatu samaakiirNam nadii dardura sa.myutam || 4-27-8
 vividhaiH vR^iksha SaNDaiH ca caaru citra lataa yutam |
 naanaa vihaga sa.mghuSTam mayuura vara naaditam || 4-27-9
 maalatii ku.nda gulmaiH ca si.nduvaaraiH shiriiSakaiH |
 kada.mba arjuna sarjaiH ca puSpitaiH upashobhitam || 4-27-10

 iyam ca nalini ramyaa phulla pa.nkaja maNDitaiH |
 na ati duure guhaayaa nau bhaviSyati nR^ipaatmaja || 4-27-11

 praag udak pravaNe deshe guhaa saadhu bhaviSyati |
 pashcaat ca eva unnataa saumya nivaate ayam bhaviSyati || 4-27-12

 guhaa dvaare ca saumitre shilaa sama talaa shivaa |
 kR^iSNaa ca eva aayataa caiva bhinna a.njana caya upamamaa || 4-27-13

 giri shR^i.ngam idam taata pashya ca uttarataH subham |
 bhinna a.njana caya aakaaram a.mbhodharam iva uditam || 4-27-14

 dakshiNasyaam api disha sthitam shvetam iva a.mbaram |
 kailaasa shikhara prakhyam naanaa dhaatu viraajitam || 4-27-15 

 praaciina vaahiniim caiva nadiim bhR^isham akardamam |
 guhaayaaH parataH pashya trikuuTe jahnaviim iva || 4-27-16
 candanaiH tilakaiH saalaiH tamaalaiH atimuk{}takaiH |
 padmakaiH saralaiH caiva ashokaiH caiva shobhitam || 4-27-17

 vaaniiraiH timidaiH caiva vakulaiH ketakaiH api |
 hintaalaiH tinishaiH niipaiH vetasaiH kR^itamaalakaiH || 4-27-18
 tiirajaiH shobhitaa bhaati naanaa ruupaiH tataH tataH |
 vasana aabharaNa upeta pramada eva abhyala.nkR^itaa || 4-27-19

 shatashaH pakshi sanghaiH ca naanaa naada vinaaditaa |
 ekaikam anurak{}taiH ca cakravaakaiH ala.nkR^itaa || 4-27-20
 pulinaiH ati ramyaiH ca ha.msa saarasa sevitaa |
 prahasa.ntii iva bhaati eSaa naarii ratna vibhuuSitaa || 4-27-21

 kvacit niilotpalaiH cChanna bhaati rak{}totpalaiH kvacit |
 kvacit bhaati shuklaiH ca divyaiH kumuda kuDmalaiH || 4-27-22

 paariplava shataiH juSTaa barhi krauncha vinaaditaa |
 ramaNiyaa nadii saumya muni sa.ngha niSevitaa || 4-27-23 

 pashya ca.ndana vR^ikshaaNaam pa.nk{}tii suruciraa iva |
 kakubhaanam ca dR^ishyante manasaa iva uditaaH samam || 4-27-24

 aho suramaNiiyo ayam deshaH shatru niSuudana |
 dR^iDham ra.msyaava saumitre saadhu atra nivasaavahe || 4-27-25

 itaH ca na ati duure saa kiSki.ndhaa citra kaananaa |
 sugriivasya purii ramyaa bhaviSyati nR^ipaatmaja || 4-27-26

 giita vaaditra nirghoSaH shruuyate jayataam vara |
 nadataam vaanaraaNaam ca mR^ida.nga aaDa.mbaraiH saha || 4-27-27

 labdhvaa bhaaryaam kapivaraH praapya raajyam suhR^it vR^itaH |
 dhruvam na.ndati sugriivaH sa.mpraapya mahatiim shriyam || 4-27-28

 iti uk{}tvaa nyavasat tatra raaghavaH saha lakSmaNaH |
 bahu dR^ishya darii ku.nje tasmin prasravaNe girau || 4-27-29

 susukhe hi bahu dravye tasmin hi dharaNii dhare |
 vasataH tasya raamasya ratiH alpaa api na abhavat || 4-27-30

 hR^itaam hi bhaaryaam smarataH praaNebhyo api gariiyasiim |
 udaya abhyuditam dR^iSTvaa shashaa.nkam ca visheSataH || 4-27-31

 aavivesha na tam nidraa nishaasu shayanam gatam |
 tat samutthena shokena baaSpa upahata cetasam || 4-27-32

 tam shocamaanam kaakutstham nityam shoka paraayaNam |
 tulya duHkho abraviid bhraataa lakSmaNo anunayam vacaH || 4-27-33

 alam viira vyathaam gatvaa na tvam shocitum arhasi |
 shocato hi avasiidanti sarva arthaa viditam hi te || 4-27-34

 bhavaan kriyaa paro loke bhavaan deva paraayaNaH |
 aastiko dharma shiilaH ca vyavasaayii ca raaghava || 4-27-35

 na hi avyavasitaH shatrum raakSasam tam visheSataH |
 samarthaH tvam raNe hantum vikramaiH jihma kaariNam || 4-27-36

 samunmuulaya shokam tvam vyavasaayam sthirii kuru |
 tataH saparivaaram tam raakSasam hantum arhasi || 4-27-37

 pR^ithiviim api kaakutstha sasaagara vana acalaam |
 parivar.htayitum shak{}taH kim punaH tam hi raavaNam || 4-27-38

 sharat kaalam pratiikshasva praavR^iT kaalo ayam aagataH |
 tataH sa raaSTram sa gaNaam raavaNam tam vadhiSyasi || 4-27-39

 aham tu khalu te viiryam prasuptam pratibodhaye |
 diiptaiH aahutibhiH kaale bhasma channam iva analam || 4-27-40

 lakSmaNasya hi tad vaakyam pratipuujya hitam shubham |
 raaghavaH suhR^idam snigdham idam vacanam abraviit || 4-27-41

 vaacyam yad anurak{}tena snig.hdhena ca hitena ca |
 satya vikrama yuk{}tena tad uk{}tam lakSmaNa tvayaa || 4-27-42

 eSa shokaH parityak{}taH sarva kaarya avasaadakaH |
 vikrameSu apratihatam tejaH protsaahayaami aham || 4-27-43

 sharat kaalam pratiikshiSye sthito asmi vacane tava |
 sugriivasya nadiinaam ca prasaadam anupaalayan || 4-27-44

 upakaareNa viraH tu pratikaareNa yujyate |
 akR^itaj~no apratikR^ito hanti satvavataam manaH || 4-27-45 

 tat eva yuk{}tam praNidhaaya lakshmaNaH
 kR^ita a.njali tat pratipuujaya bhaaSitam |
 uvaaca raamam svabhiraama darshanam 
 pradarshayan darshanam aatmanaH shubham || 4-27-46

 yathok{}tam etat tava sarvam iipsitam
 narendra kartaa na ciraat tu vaanara |
 sharat pratiikshaH kshamataam imam bhavaan 
 jala prapaatam ripu nigrahe dhR^itaH || 4-27-47

 niyamya kopam pratipaalyataam sharat 
 kSamasva maasaam caturo mayaa saha |
 vasa acale asmin mR^iga raaja sevite 
 sa.mvartayan shatru vadhe samarthaH || 4-27-48

 iti vaalmiiki raamaayaNe aadi kaavye kiSkindha kaaNDe sapta vi.mshaH sargaH